Ang Kasaysayan sa Birhen sa Kalooy

Ang Birhen sa Kalooy

DRAFT

Ang Kasaysayan sa Mahal nga Birhen sa Kalooy:

Usa ka Kasaysayan sa walay kapuol nga Pagtuo

Matud pa sa mga buhi pang katigulangan, sa usa ka lugar sa Sitio Kalooy, Barangay Bentig aa Calape Bohol, masubay ang kasaysayan sa Mahal nga Birhen sa Kalooy.

Sa atong pagsubay sa maong kasaysayan, atong mahimamat ang magtiayon nga sila si Maximino Dumayac ug Baldomera Borong nga nagpuyo sa maong lugar.

Ug aron masubay kini nga kasaysayan, moabalik kita sa (sayo o ulahing bahin?) sa tuig 1800 kung kanus-a aduna pa lang usa ka anak sila Maximino ug Baldomera. 

Apan sumala pa, bisan pa man isa pa lang ilahang anak, nag antus na sila sa kalisud taliwala sa paningkamot ni Maximino nga manginabuhi sa pagpanagat. Kini maoy nahimo nga trabaho ni Maximino matag gabii aron adunay ikapakaon sa iyahang pamilya. 

Matud pa sa mga Apo sa tuhod ni Maximino, besan pa man og adunay yuta nga pwedeng ugmaron nga kabilin sa ilana mga ginikanan, mas gipili ni Maximino ang pagpanimpalad sa lawod sa kadagatan aron makakuha og mga isda ug uban pang grasya gikan niini.

Usa ka gabii niana, niuli si Maximino nga walay bisan usa ka isda nga nakuha gikan sa iyahang pagpanagat. Matud pa kuno ni Maximino, kadtong higayona, walay isda sa iyang pukot kay tungod kuno sa usa ka takobo nga maoy pirming nakatapot sa iyahang pukot (o pasol?). 

Susama sa buhaton sa ubang mangingisda, gikuha ni Maximino ang takobo gikan sa pukot, ug gibalik sa dagat, samtang nagpadayon siyang magpalawod. Apan sa pila kahigayon niya og bira balik sa yang pukot gikan dagat, anaa gihapon ang maong takobo.

Kadugayan, nahibulong si Maximino sa maong takobo nga daw sige og sunod sunod niya samtang wala pud bisan usa ka isda nga iyang kuha. Niya pa, mura man og nagpatagad ang takobo sa iyaha. Mao nga mipauli nalang siya nga way lain dala kung dili ang maong takobo.

Pag-abot niya sa ilahang gamay'ng payag, iyahang gitaguan ang takubo. Usahay himuon niya kining ash tray o kun dili o lawganan sa manok.

Usa ka kagabi, human milabay ang pila ka adlaw, nagdamgo si Maximino kabahin sa takubo. Sa iyahang damgo, aduna kunoy misulti kaniya nga magnovena sulod sa 9 ka adlaw sa Birhen de los Remedios.

Nagdakong relihiyo ug deboto sa Mahal nga Birhen Maria, mao nga ginobenahan nila sa iyahang asawa nga si Baldomera ang Birhen de los Remedios.

Sa ilang katingala, human sa 9 ka adlaw ng nobena, aduna nay mga tawo gikan sa mga sikbit nga mga munisipyo sa Jetafe ug Inabangga sa Bohol nga miadto sa kora paruko sa San Vicente Ferrer nga Parokya sa Calape. Ang ilang tuyo matud pa mao ang pagpangutana kabahin sa Birhen sa milagrosong takubo.

Matud pa kuno nila, nagdamgo pud sila kung asa gipaadto sila sa baryo sa Bentig kung asa makita nila ang nagmilagro nga takubo.

Samtang si Maximino, walay kalibutan sa milàgrosang takubo, gipakita kini sa ilahang mga silingan. Sila ang mga pinakunang nakadiskubre nga adunay katingad-aang mitubo sa way sulod nga takubo. Mao nga gihinluan kini ni Maximino og gitaguan sa iyang baul.

Dili na pud kapugngan ang padayong pagdugok sa mga tawo sa ilang payag ni Maximino aron mobisita sa milagrosong takubo. Ang maong mga bisita, naluoy sa kahimtang nila ug naghatag og ginagmayng hinabang sa pamilya ni Maximino.

Gikalipay ni Maximino ang mga hinabang ug mapasalamaton sa maong grasya kanila. Gigamit niya kini aron ipaayo ang ilang payag.

Paglabay sa panahaon, anam anam nga namatikdan sa mga tawo nga ang gamay mitubo sa takubo mitubo ug napormang dagway sa usa ka ambungan nga babaye.

Ang takubo mura na og bato nga ivory ug bisan ang mitubo nga babaye. Nagbiste kini og taas ug puti nga sanina, hamis ang nawomg, maanyag nga mga mata, daw pula pula nga na aping ug daw humok nga wait.

Sa padayon nga pagbaktas sa panahon, si Maximino ug Baldomera gigrasyahan og udgang 4 ka Anak, sila si Oyot, Enteng, Sosa ug si Anatalio.

Ug ang payag nahimong balay nga kapuy-an sa ilahang nagkadako nga pamilya. Ug sa dili madugay, ang maong balay sa iyahang pamilya, mahimo na pung balay sa birhen.

Ang mosunod nga pagsubay sa kasaysayan sa Birhen sa Kalooy, makita na dinha sa tinuig nga pagsaulod sa kapistahan sa Mahal nga Birhen matag ika-18 sa Disyembre. 

Dili na maihap ug labaw nga nagkadaghan ang mga deboto sa Birhen sa Kalooy gikan sa Luzon, sa Mindanao sa mga Isla sa Kabisay-an sukad nagmilagro kini Kang Maximino. Kini tungod sa padayon og pagsangyaw sa nga mga nagatuo sa intersesyon sa mahal nga birhen sa mga grasya ug milagrong ilahang nadawat ug nasinati, mga pag-ampong gipaminaw, ug mga pangamuyong gihatod sa labaw makagagahamon aron mahatagan og katumanan.

Nagpadayon pa gihapon ang kasaysayan sa Mahal nga Birhen sa Kalooy pinaagi sa abag ug pag-amoma sa mga nagpabiling mga apohan ni Maximino nga gapulihanay og atiman sa kapilya nga puluy-anan sa Birhen sa Kalooy.

Matud pa day tuod sa mga katigulangan matag lima ka tuig, magpakita og ginagmayang kabag-ohan ang mahal nga birhen sa iyang pamarog ug biste.